Bubaño

MARIJANE MINABERRI

  BUBAÑO

Bubaño, ene ñimiñoa,

Bubaño, egin zazu lo.

Ama hor dago, zure begira,

Bulunbatzen du, zure sehaska.

Bubaño...

Mamurik ez da, ez izan beldur,

Amattok ditu, haizatu segur.

Bubaño...

Aments arraia, duzu gogoan,

Irri eztia, ezpain xokoan.

Bubaño...

Xerri Kuttin

MARIJANE MINABERRI

XERRI KUTTIN

                                                       Norat zoaz, xerri kuttin,

Hegaztina bezain arin,

Lasterka bide gainean?

Aditu dut oihanean

Ezkurra dela lurrean.

Besta dago neretzat han.

Kasu otoi xerri kuttin.

Otso hantxet dago berdin,

Zure barrandan, gorderik.

Ez izan nitaz beldurrik:

Otso badut nik ikusten,

Ihesari niz emanen.

Adio beraz, xerri kuttin.

Egin-azu apairu fin,

Eta otoi etxerat jin.

Marigorri

MARIJANE MINABERRI

MARI-GORRI

Mari-gorri, mari-gorri

flai, flai, flai, flai,

Mari-gorri, zaia gorri,

flai, flai, flai, flai.

Biharko iguzki xuri,

flai, flai, flai, flai,

Ala eginen du euri

flai, flai, flai, flai.

Hegalka baniz airatzen,

flai, flai, flai, flai,

Iguzkia du eginen

flai, flai, flai, flai.

Zaia gorri, mari-gorri,

flai, flai, flai, flai,

Ez niz fidatuko zuri

flai, flai, flai, flai.

Tiruliruli Xoria Kantari

MARIJANE MINABERRI

XORIA KANTARI

Tiru liru li

Xoria kantari,

Tiru liru la

Zeruan dabila.

Tiru liru le

Kafian arroltze,

Tiru liru le

Arroltzean kume.

Tiru liru li

Xoria kantari,

Tiru liru la

Primadera hor da.

MARIJANE MINABERRI

MARIJANE MINABERRI

EURIA

Plik! Plak! Plok!

Euria

Xingilka

Dabila.

Plik! Plak! Plok!

Jauzika,

Punpeka,

Heldu da.

Plik! Plak! Plok!

Paisola

Behar da

Atera.